د ایران او امریکا ترمنځ د مخامخ جګړې په ۳۶مه ورځ، تهران اعلان کړی چې د امریکا دوه پرمختللې جنګي الوتکې یې ویشتلي او نسکورې کړې دي.
راپورونو له مخې، یوه F-15E ډوله الوتکه د ایران په “کهګیلویه او بویر احمد” ولایت کې او یوه A-10 ډوله الوتکه په خلیج کې راغورځېدلې ده.
امریکایي رسنیو منلې چې دوه پیلوټان ژغورل شوي، خو یو تن یې لا هم لادرکه دی او د موندلو لپاره یې بېړنۍ پلټنې روانې دي.
ایران وایي دا الوتکې یې په یو “نوي دفاعي سیستم” ویشتلي دي، چې دې کار د ډونالډ ټرمپ د ادارې هغه ادعاوې تر پوښتنې لاندې راوستې چې ګنې د ایران هوايي دفاع یې له منځه وړې ده.
د جګړې له پیل (فبرورۍ ۲۸) راهیسې په ایران کې د وژل شویو شمېر ۲۰۷۶ کسانو ته رسېدلی او تر ۲۶ زرو ډېر نور ټپیان دي.
یل کېږي ایران د امریکا د ۴۸ ساعته اوربند وړاندیز رد کړی دی. د ایران ولسمشر مسعود پزشکیان د ټرمپ وروستي ګواښونه “جنګي جنایت” بللي دي.
دا جګړه یوازې په سنګرونو پورې محدوده نه ده؛ په نړیواله کچه د خوراکي توکو بیې ۲.۴ سلنه لوړې شوي او په اسټرالیا کې د تېلو سخت کمښت پیدا شوی دی.
بلخوا په پاکستان کې حکومت اعلان کړی چې په پلازمېنه او پنجاب ولایت کې به تر یوې میاشتې پورې ټول دولتي بسونه د خلکو لپاره وړیا وي.
