د واشنګټن ښاروال جې اېنسلي ویلي دي چې په دغه ایالت کې د احتمالي تاوتریخوالي د مخنیوي لپاره ځانګړي ځواکونه ځای پر ځای کېږي.
د هغه په وينا، دغه ځواکونه به د امريکا د ټاکنو په ورځ د احتمالي تاوتريخوالي د مخنيوي په موخه «چمتو» وي.
دا په داسې حال کې ده، چې ټاکل شوې ده، په امریکا کې ولسمشريزې ټاکنې په راتلونکو دوو ورځو (نومبر ۵) کې ترسره شي.
د رویټرز راپور له مخې، د فلوريډا په پوهنتون کې ټاکنو ازماېښتخونې ويلي اوس په واشنګټن کې د رای ورکولو دمخه د هغو کسانو لپاره چې په واشنګټن کې دي بېړنۍ رایه ورکولو لپاره لاسرسى شتون لري ، او له ٢ ميلیون څخه زیاتو خلکو لا دمخه خپلې رایې کارولي دي.
د واشنګټن ښاروال ويلي : «د عامه او مشخصو معلوماتو او د ٢٠٢۴ عمومي ټاکنو پورې اړوند د تاوتریخوالي یا نورو غیرقانوني فعالیتونو احتمالي اندېښنو پر بنسټ، زه غواړم ډاډ ترلاسه کړم چې موږ غبرګون ته په بشپړه توګه چمتو یو.»
په ورته وخت کې، هغه وايي چې په وانکوور کې د رای ورکولو په بکسونو کې په سلګونو رای پاڼې زیانمنې یا له منځه تللې دي.
د يادولو وړ ده، چې د نظرپوښتنو له مخې تمه کېږي چې کامالا هرېس به په واشنګټن ایالت کې د ډیموکراټ ګوند نوماند ډونلډ ټرمپ ته ماتې ورکړي.
واشنګټن یو له هغو دوو ایالتونو څخه و چې د تېرې اونۍ په پیل کې پکې د رایو صندوقونه سوځول شوي وو.
