د افغانستان د ښځو د زدهکړو اتحاد ویلي چې د طالبانو له لوري افغانستان کې د ښځو لوړو زدهکړو بندېدو درې کاله وروسته، دې اتحاد د یوې نوې لارې په پیلولو سره هڅې وکړې چې د ښځو او نجونو لپاره د بدیلو تعلیمي لارو ته لاسرسی اسانه کړي.
د دې نهاد تازه اعلامیې له مخې، نوی تګلاره هممهاله د افغانستان د ښځو د زدهکړو د اتحاد د غړو د لومړني عام نوملړ له خپرېدو سره معرفي شوې ده.
د یاد ادرس د غړو په وینا، دا نوملړ ښځو او نجونو ته دا زمینه برابروي چې د تحصیلي کچو په ټولو پړاوونو، په بېلابېلو څانګو او موضوعاتو کې د زدهکړو فرصتونه وپېژني او په مستقیم ډول له ښوونځیو، بنسټونو او خپلواکو تعلیمي سازمانونو سره اړیکه کې شي.
د افغانستان د ښځو د زدهکړو د اتحاد بنسټاېښودونکې ویکتوریا فونتان وايي، د دې وسیلې د پیلولو موخه دا ده چې د اتحاد د غړو لهخوا وړاندې کېدونکي تعلیمي فرصتونه جلا او پېژندنې شي.
نوموړې وویل: «په تېرو کلونو کې یو د پام وړ ټولنه رامنځته شوې ده؛ سلګونه انلاین ښوونځي جوړ شوي او ګڼو موجودو ښوونځیو او بنسټونو هڅه کړې چې د افغان ښځو او نجونو د زدهکړو د بیا لاسرسي لپاره لارې ومومي.»
د فونتان په وینا، د افغانستان د ښځو د زدهکړو د اتحاد رول دا دی چې د دغو ښوونیزو پروګرامونو ترمنځ د اړیکو، همکارۍ او همغږۍ لپاره لا ښه اغېزمن چوکاټ رامنځته شي او د اتحاد غړي باور لري چې ګډ کار کولای شي لا ډېر اغېز ولري.
دغه عام نوملړ د اتحاد د نورو خپرو شویو سرچینو سره و ځای وړاندې کېږي؛ چې په کې د لوړو زدهکړو د فرصتونو یو ټولګه هم شامله ده او هغه د ولسي سرچینو له راټولولو چمتو شوې، دغه راز د دې اتحاد د «زدهکړې د کیفیت معیارونه».
یاد معیارونه لږ تر لږه هغه اصول سره په پام کې نیسي چې د زدهکوونکو پر وړاندې د حسابورکونې، د ښوونیزو پروګرامونو کیفیت ته د لومړیتوب ورکولو او د پروګرامونو د پلي کېدو پر مهال د اخلاقي اصولو د رعایت پر اړتیا ټینګار کوي.
د افغانستان د ښځو د زدهکړو اتحاد، چې په ۲۰۲۲ کال کې جوړ شوی، له ۱۰۰ څخه د زیاتو بنسټونو شبکه ده؛ چې پوهنتونونه، نادولتي بنسټونه، آنلاین ښوونځي، ټولنیزې ډلې او مسلکي روزنیز مرکزونه پکې شامل دي.
د دې بنسټ د شمېرو له مخې، د اتحاد غړي په ټوله کې ۹۰۰ زره ښځو او نجونو ته د زدهکړو زمینه برابروي او د افغانستان سربېره په امریکا، اروپا، اسټرالیا، کاناډا او هند کې فعالیت لري؛ چې د ډېرو دغو بنسټونو مدیریت چارې د افغانانو لخوا پر مخ وړل کیږي.
د ښځو او نجونو د زده کړو دغه تګلاره پلي کول داسې حال کې شوی چې په افغانستان کې پر ښځو او نجونو د زدهکړو محدودیتونه لا هم پر ځای دي، او خپلواک ښوونیز بنسټونه هڅه کوي د بدیلو لارو له لارې د زدهکړو ته د نجو لاسرسی اسانه او زیات کړي.
ښځې
د افغانستان د ښځو زدهکړې اتحاد زدهکړو ته د لاسرسي لپاره نوی تګلاره پیل کړه
د انلاین زده کړو اړوند عکس
اړوند خبرونه
