د ترکیې یو څارنوال د ۴۸ تنو د نیولو امر کړی چې په کې د استانبول د اپوزیسیون تر واک لاندې د بایرامپاشا ولسوالۍ ښاروال هم شامل دی. دولتي ټلوېزیوني چینل د شنبې په ورځ راپور ورکړ چط دا اقدام د فساد د یوې پلټنې په ترڅ کې شوی دی.
د راپور له مخې، پولیسو سهار وختي په ۷۲ ځایونو کې چاپې وهلې څو اسناد ترلاسه کړي او شکمن کسان د اختلاس، بډو او د قراردادونو د درغلیو په تور ونیسي.
د بایرامپاشا ښاروال، حسن مطلو، چې د اصلي اپوزیسیون جمهوریت غوښتونکي ولسي ګوند (CHP) غړی دی، په ایکس (پخواني ټویټر) کې لیکلي چې هغه هېڅ پټولو ته څه نه لري او دغه څېړنه یې “د بېاساسه تهمت پر بنسټ یوه سیاسي دسیسه” بللې ده.
دا نیونې په داسې حال کې کېږي چې نږدې له یو کال راهیسې پر CHP او د دې ګوند تر کنټرول لاندې ښاروالیو باندې سخت فشار روان دی او په سلګونو غړي یې نیول شوي او بندیان شوي دي.
تمه کېږي چې د دوشنبې په ورځ د یوې محکمې پرېکړه د CHP د مشر د لرې کولو سبب شي، په داسې قضیه کې چې پراخ خلک یې د هېواد د نازک سیاسي توازن د ازموینې په توګه ویني او پر ګوند د حقوقي فشار کچه لوړه کړي.
