له ایران څخه د کډوالو له ایستلو وروسته، ملګرو ملتونو خبرداری ورکړی چې د خلکو ډله ییز ستنیدل هغه بحران ته ژوروالی ورکوي چې دمخه سخت دی.
دې سازمان اعلان کړی چې لسګونه زره خلک له ګاونډیو هېوادونو څخه په جبري توګه له سرپناه، سرچینو یا ملاتړ پرته ستنول کیږي.
په ورته وخت کې، یو شمیر هغه کډوال چې له ایران څخه ایستل شوي دي وايي چې د دوی د ایستلو پروسه له نیولو او ناوړه چلند سره مل وه.
ځینې یې وايي چې د نیول شویو یو شمیر کسانو برخلیک لاهم روښانه نه دی.
