د جون له ۲۵مې تر ۲۸مې پورې د بارانونو له امله د پېښو په ترڅ کې لږ تر لږه ۱۲ کسان، د پنځه ماشومانو او درې ښځو په ګډون خپل ژوند له لاسه ورکړی او ۳۹ نور ټپیان شوي دي.
د ایالتي پېښو مدیریت ادارې له خوا خپاره شوي معلومات ښيي چې دغه مرګ ژوبله د پنجاب په ۱۳ ولسوالیو کې شوې، چیرې چې سخت بارانونه، طوفانونه، بریښنا، او زورور بادونه شوي دي.
د ډېرو مړینو لامل د چتونو او دېوالونو راپرېوتل ښودل شوي، چې دا هر څه د شدیدو بارانونو له امله رامنځته شوي. همداراز، دوه کسان د باراني اوبو په ناله کې ډوب شوي، او یو تن د برېښنا د شېندو له امله ژوند له لاسه ورکړی. د بریښنا ګذار دوه کسان وژلي، چې یو یې په اوکاړه او بل یې په خانیوال کې و.
اوکاړه کې تر ټولو ډېرې پېښې ثبت شوې دي، چې پکې یوه پېښه کې یو ماشوم مړ شوی او دوه ماشومان، دوه ښځې او درې نارینه ټپیان شوي دي.
منډی بهاؤالدین کې یوه ښځه او یو ماشوم وژل شوي، او درې نور کسان ټپیان دي. په بهاولنګر او فیصلاباد کې هم هر یوه کې یو یو ماشوم مړ شوی دی.
