په منځني ختیځ کې د «بشپړې چمتو جګړې» په اړه د مخ په زیاتېدونکو اندېښنو په ترڅ کې د امریکا د ولسمشر مرستیالې کاملا هرېس ویلي دي چې متحده ایالات به د خپلو ځواکونو د دفاع لپاره هر چیرې او هر وخت چې وغواړي، برید وکړي.
هغې په سپینه ماڼۍ کې د امریکا د ولسمشر جوبایډن سره د ناستې په تړاو او پخپله د امریکا د ملي امنیت له ټیم سره په منځني ختیځ کې د وروستیو بدلونونو په اړه د لیدنې په ترڅ کې وویل، «د اسرائیلو امنیت ته د امریکا ژمنتیا زوال نه منونکې ده.»
مېرمن هرېس وویل، «په داسې حال کې چې موږ د ایران او د هغو د ملاتړ لاندې ترهګرو ډلو په وړاندې د اسراییلو د دفاع ته چمتو یو، موږ د سیمه ییزو تاوتریخوالو د کمولو او د نورو جګړو د مخنیوي لپاره هم کار کوو.»
د امریکا د ولسمشر مرستیالې ويلي، په دې امنیتي غونډه کې د امریکا د ملي امنیت له ټیم سره د امریکايي ځواکونو د دفاع او د دغو ځواکونو پر وړاندې د هر ډول برید د ځواب ویلو او د امریکا لخوا په ټاکل شوي ځای هم خبرې وشوې.
دا په داسې حال کې ده چې په منځني ختیځ کې د «بشپړې چمتو جګړې» د خطر په اړه اندېښنې مخ په زیاتېدو دي.
تازه، جرمني له یوه خبرداری وروسته خپل وګړي له لبنان څخه ایستلي دي.
