په صربستان کې د یوه موټر د چپه کېدو له امله دېرش افغان او نیپالي کډوال ټپیان شوي دي.
د صربستان دولتي ټلویزیون راپور ورکړی چې دا پېښه د جمعې په ورځ (زمري ۵) د دغه هېواد په جنوب ختیځ کې په یوه سیمه کې رامنځته شوې ده.
د راپور له مخې، ټپيان په ياد هېواد کې تر درملنې لاندې دي.
د صربستان د دغه رسنۍ د راپور ورکړى، چې دغه کډوال د نیپال او افغانستان وو.
راپور وايي، پېښه د بیلا پالانکا ښارګوټي ته څېرمه هغه مهال رامنځته شوه، چې د کډوالو یو موټر له عمومي سړک څخه واوښت.
د يادولو وړ ده، چې په دغه موټر د ٥٠ افغان او نیپالي کډوال لېږدول.
صربستان د بالکان لارې په اوږدو کې پروت دی، چې کډوال په ځانګړې توګه د اسیايي هېوادونو کډوال ترې کار اخلي.
د نړیوالو رسنیو د راپورونو له مخې تېر زيږديز کال شاوخوا سل زره کډوالو اروپا او غربي هېوادونو ته د رسېدو لپاره دغه لاره کارولې ده.
