روسي ساینس پوهانو د یوه لېوه پاتې شوني موندلي چې ۴۴ زره کاله لرغونتيا لري.
رویټرز راپور ورکړی چې دا لېوه د روسیې په شمال ختیځ کې په کنګل او واورې پوښل شوې سیمه «یاکوتیا»کې موندل شوی.
روسي ساینس پوهانو ویلي چې دا د لېوانو ځانګړى ډول او بې سارې موندنه ده.
د دغه راپور له مخې، د دغه لېوه د جسد پاتې شوني په ۲۰۲۱ کال کې د ځايي خلکو له خوا وموندل شول او اوس د ساینس پوهانو یوه ډله د هغې «جسد پېژندنه» او څېړنه کوي.
یو روسي ساینس پوه البرټ پروتوپوف ویلي چې دا مـوندنه په نړۍ کې بې سارې ده او د یو ځانګړي ډول لېوه پاتې شونې دي.
یاکوتیا د روسیې په شمال ختیځ کې په واورو پوښل شوې يوه پراخه سیمه ده.
رویټرز وايي دا سیمه د امریکا د تکزاس په اندازه ده؛ خو ۹۵ سلنه یې په یخ پوښل شوې ده.
په دې سیمه کې په ژمي کې د هوا تودوخه اندازه يې منفي ۶۰ سانتي درجو ته رسېږي.
ښاغلی پرتوپوف وايي چې په دې سیمه کې تر ډېره د بوټو خوړونکي حیوانات کنګل کېږي. خو دا د غوښې خوړونکو لېوه لومړنی جسد دی چې موندل شوی دی.
دغه روسى ساینس پوه د داسې ژويو د پاتې شونو موندل چې زرګونه کاله وړاندې يې ژوند کاوه د نړۍ د تودوخې له ټیټېدو سره تړلي بولي.
د دې روسي ساینس پوه په وینا، د موندل شوي لېوه بدن په خپل ډول کې ترټولو لوی دی، چې د زمري او اېږې څخه لږ کوچنی دی؛ خو وايي چې دا ډول لېوه ډېر فعال ښکاري دی.
