په افغانستان کې د ملګرو ملتونو د مرستندویه پلاوي دفتر (یوناما) په یوه اعلاميه کې د هرات په امام زمان جومات کې پرشیعه عبادت کوونکو د تېرې شپې برید غندلی دی.
په دې اعلاميه کې راغلي: “دا بريد سمدستي څېړنې او د عاملينو حساب ورکولو ته اړتيا لري.”
په دغه اعلاميه کې دا هم ويل شوي چې تېره شپه د امام زمان پر جومات په وسله وال بريد کې اووه تنه وژل شوي دي. خو طالبانو په پېښه کې د وژل شویو کسانو شمېر ۶ تنه ښودلى و.
