په پاکستان کې له سراسري ټول ټاکنو څلور ورځې وروسته لا هم په دغه هېواد کې د راتلونکي حکومت برخلیک ناڅرګند دی.
په دې ټاکنو کې د پاکستان د پخواني لومړي وزیر عمران خان د متحدینو مخکې کېدو ته په کتو د پاکستان د سیاسي راتلونکي لپاره د درېیو بېلابېلو سناریوګانو وړاندوینه شوې، ترڅو دغه هېواد له بحران څخه وباسي.
له دې، سره د متحد قومي غورځنګ یا اېم کیو اېم پلویان په ټاکنو کې د خپلو غړو د بریا په نمانځلو سره وايي چې د نواز شریف مسلم لیګ ګوند سره یې د یو ځای کېدو په اصولو کې هوکړه کړې ده.
په پاکستان کې له ټاکنو څو ورځې وروسته، چې هیڅ ګوند نه دی پکې بریالی شوی، دغه هېواد له نویو سیاسي ننګونو سره مخ شوی دی.
د پاکستان له تازه حکومت څخه یوه هیله د پیسو نړیوال صندوق د نوي پروګرام په اړه مذاکره ده ترڅو د پاکستان اقتصاد له سقوط څخه وژغورل شي.
په پاکستان کې واکمن ګوند د حکومت جوړولو لپاره د پاکستان د پارلمان کې ۱۶۹ څوکیو ته اړتیا لري، په داسې حال کې چې هیڅ ګوند په دې ټاکنو کې دې موخې ته نه دی رسېدلی.
د پاکستان د پارلمان د ۳۳۶ څوکیو له جملې څخه ۲۶۶ څوکۍ انتخابي دي، خو اوس چې د دغه هېواد سیاسي ګوندونه اکثریت څوکۍ په لاس کې نه لري، دې کار پاکستان د سیاسي ناورین په څنډه کې اچولی دی.
دلته په پاکستان کې د لږکیو د یوه غورځنګ پلویان د دوی د بریا هرکلی کوي او وايي چې هڅه کوي د نواز شریف له ګوند سره یوځای شي.
د اېم کیو اېم ګوند یو مشر کامران اختر وايي: «د خدای شکر چې دوه ورځې مخکې د ټاکنو په ترڅ کې د کراچۍ خلکو خپل فرمان صادر کړ او زموږ ګوند یې بېرته خپل پخواني حالت ته راوګرځوو. هغه واک چې د ۲۰۱۸ په ټاکنو کې له موږ څخه غلا شوی و بېرته موږ ته راکړل شو.»
د پاکستان د ټاکنو لپاره د وړاندوینو شویو درېیو سناریوګانو له جملې څخه یو له کوچنیو ګوندونو سره د عمران خان د متحدینو ائتلاف دی او په دې توګه کولای شي د خپل لومړي وزیر وړاندیز وکړي.
دویمه سناریو د نواز شریف په مشرۍ د مسلم لیګ او د بلاول بوټو زرداري په مشرۍ د پاکستان د خلکو ګوند دی چې په ترتیب سره یې ۷۵ او ۵۳ څوکۍ ګټلې دي.
خو په ورته وخت کې زرداري له نورو ګوندونو سره هم د خبرو په حال کې دی چې له خپل اوسني ظرفیت سره سم دولت جوړ کړي.
کارپوهان وايي، چې درېیمه سناریو د پاکستاني د پوځ لاسوهنه او د نوي دولت اعلان دی، چې د پاکستان په ۷۶ کلن تاریخ کې درې ځلې ترسره شوی دی.
د پاکستان پوځ د پاکستان له مهمو ګوندونو څخه غوښتي دي چې ” یووالی” غوره کړي.
