له پکتیا ولایت څخه ځايي سرچینې وایي، چې درې ورځې وړاندې وسلهوالو کسانو، چې ځانونه یې طالبان معرفي کول، یو موټرسایکل له یوه ماشوم سره یو ځای تښتولی و. دا پېښه د زرمت ولسوالۍ د کلالګو بازار د یو تېلو پمپ مخې ته، د ماښام پر مهال رامنځته شوې وه.
سرچینې وايي، چې د ماشوم او موټرسایکل تر تښتولو درې ورځې وروسته، د ماشوم مړی وموندل شو. د مړي پر بدن د بېرحمانه وژنې څرګندې نښې لیدل شوې دي.
د سرچینو په وینا، د وژل شوي ماشوم پلار دوکاندار دی او له هېچا سره یې شخصي دښمني نه لرله.
یادونه باید وشي، چې په دې وروستیو کې په بېلابېلو ولایتونو کې د تښتونو او غلاوو پېښې زیاتې شوې دي.
