د افغانستان واردات په موقت ډول په پاکستان کې د مبدأ سند له وړاندې کولو څخه معاف شوي دي. پاکستاني رسنیو د پاکستاني ګمرک چارواکو له قوله راپور ورکړی چې دا معافیت به د جون تر ۳۰مې پورې دوام وکړي، چې ځینې توکي لکه پنبه، لوبیا، ډبرې سکره او صابون ډبرې په ځانګړي معافیت کې شامل دي.
په ټولیزه توګه، ۶۶۷ لارۍ په تورخم کې د اړینو اسنادو د نه لرلو له امله ودرول شوې، خو اوس به دا محمولې د مبدأ سند پر ځای د لیکلې تعهدنامې په وړاندې کولو سره خوشې شي.
اوس به دغه بارونه تر هغه وخته تر ګمرکي تصفیې لاندې راشي، چې د اصلي سند پر ځای یو لیکلی تعهد وړاندې شي، چې تر جون ۳۰مې پورې اعتبار لري.
له دې نېټې وروسته، ټول افغان واردات به بېاستثنا د مبدأ له سند سره مل وي.
تاجران د دغه موقتي سهولت هرکلی کوي او د ګمرکونو له چارواکو د دې نرموالي او همکارۍ مننه کړې ده.
