سپاه پاسداران اعلان کړی، چې د ایران مشر علي خامنهاي، حبیبالله سیاري د ایران د وسلوالو ځواکونو د ستردرستیز د سرپرست او د محمد باقري ځای ناستي په توګه ټاکلی دی.
همداراز، احمد وحیدي د حسین سلامي پر ځای د سپاه پاسداران د عمومي قوماندان په توګه ټاکل شوی دی.
باقري او سلامي نن سهار د جمعې (د غبرګولي ۲۳مه) د اسراییلي ځواکونو په بریدونو کې چې پر ایران ترسره شول، وژل شوي دي.
د جمعې په سهار د اسراییلو د ایران پر نظامي هدفونو، اټومي تأسیساتو او د سپاه پاسداران پر لوړپوړو قوماندانانو پوځ پراخ بریدونه پیل کړل، چې لږ تر لږه یو ساعت یې دوام درلود.
