د قزاقستان د لومړي وزیر مرستیال د یوه لوړپوړي پلاوي په مشرۍ نن کابل ته راغی او له طالب چارواکو سره یې خبرې وکړې.
د طالبانو د صنعت او سوداګرۍ وزیر ویلي چې له قزاقستان سره د افغانستان د سوداګرۍ کچه درې میلیارده ډالره اټکل شوې.
نورالدین عزیزي ویلي چې د افغانستان او پاکستان ترمنځ د لارو له تړل کېدو سره طالبان هڅه کوي د هېواد اقتصادي بهیر په عادي ډول روان وساتي.
له دې سره، طالبان وايي چې دوهاړخیزې اړیکې، اقتصادي همکارۍ او د سوداګریزو اړیکو پراختیا د دوی او د قزاقستان د پلاوي د خبرو اصلي محور جوړوي.
