د طالبانو د بهرنیو چارو وزارت د یوې اعلامیې په خپرولو سره په چین کې له پاکستاني پلاوي سره د خبرو پای ته رسېدل تایید کړي او ویلي یې دي، چې دغه خبرې په «رغنده فضا» کې ترسره شوې دي.
خو پاکستان تر اوسه په رسمي توګه، د دې خبرو په اړه کوم غبرګون نه دی ښودلی.
په همدې حال کې د چین د بهرنیو چارو وزارت او د افغانستان لپاره د بریټانیا ځانګړي استازي په جلا جلا دریځونو کې د دواړو لورو ترمنځ د خبرو د دوام غوښتنه کړې ده.
