د مسکو د نړیوال امنیتي فورم لومړی غونډه نن د طالبانو د استازي په ګډون پیل شوه.
د طالبانو د دفاع وزارت وایي، چې د دوی د دفاع وزیر محمد یعقوب مجاهد، په دغه غونډه کې د ګډون لپاره مسکو ته تللی دی.
د روسیې د ملي امنیت شورا ویلي چې د نړۍ او سیمې له هېوادونو او نړیوالو سازمانونو څخه ۱۸۰ پلاوي دې فورم ته بلل شوي دي.
دا په داسې حال کې ده چې د روسیې لوړپوړو چارواکو څو ځله په افغانستان کې د ترهګرو د شتون په اړه اندېښنه ښودلې او ویلي یې دي، چې د طالبانو تر واکمنۍ لاندې افغانستان کې زرګونه ترهګر د لسګونو ډلو تر چتر لاندې حضور او فعالیت لري.
