د متحده ایالاتو د کانګرېس د اخلاقو کمېټې اعلان وکړ چې د فلوریډا پخواني استازي میټ ګیټز د کانګرېس د یو لړ مقرراتو څخه د سرغړونې لپاره د «نشه يي توکو او جنسي اړيکې» لپاره په لسګونو زره ډالر ښځو ته تادیه کړي، چې د دغه مجلس له اصولو سرغړونه شمېرل کېږي او هغه په دې مجلس کې له خدمت کولو څخه منع کوي.
د رویټرز په وینا، د کانګرېس لخوا خپور شوی راپور ښیي چې ښاغلي ګیټز ١٣ مېرمنو ته ٩٠زره ډالر ورکړي، چې د پام وړ برخه یې ممکن د جنسي اړيکو یا نشه يي توکو کارولو لپاره وي.
دغه راپور همداراز موندلي چې «کافي شواهد» شتون لري چې ښيي میټ ګیټز د دندې پرمهال له یوې ١٧ کلنې نجلۍ سره «جنسي اړیکه» درلوده.
دا راپور د واشنګټن ډي سي په فدرالي محکمه کې د ښاغلي ګیټز لخوا د وروستيو لحظو کې د حقوقي اعتراض سربېره خپور شوى، چې هغه استدلال وکړ چې د کانګرس څخه د استعفا وروسته د جرګې اخلاقي کمېټه نور صلاحيت نلري.
که څه هم دغې کمېټې د دغه راپور خپرولو ته دوام ورکړی دی. خو د میټ ګیټز وکیلانو ويلي چې دا قضیه اوس بې بنسټه ده.
د دغه راپور په پای کې راغلي: «کمېټې پرېکړه کړې چې د پام وړ شواهد شتون لري چې ګیټز د کور قواعدو او نورو طرزالعملونو څخه سرغړونه کړې چې د فحشا، قانوني تېري، غیرقانوني نشه يي توکو کارول، منع شوې ډالۍ، امتیازات یا ځانګړي امتیازات، او په دغه مجلس کې فعالیتونو په وړاندې منع شوي بندیزونو څخه یې سرغړونه کړې چې کانګرس يې منع کوي.»
