۵۸ کلن مایک ټایسون، د نړۍ نامتو مسلکي سوک وهونکي جیک پاول لخوا ماتې وخوړه.
دغه سیالي نن (د لړم۲۶) د امریکا په تکزاس ایالت کې ترسره شوه.
د مسلکي سوک وهنې څخه د ١٩ کلنې وقفې وروسته، ټايسون د پاول سره په ټکزاس کې په یوه ورزشي ميدان کې په خورا تمه شوي مسابقه کې سيالي وکړه.
مایک ټايسون له زنګ وروسته سمدلاسه جيک پاول پسې راغى او یو څو ګړندي سوکه یې وواهه؛ خو په ټوله سيالۍ کې يې ډېره هڅه ونه کړه.
دا په داسې حال کې ده، چې مایک ټایسون د پنجشنبې په ورځ د وزن پورته کولو په بهير کې خپل سيال جیک پاول څپېړه هم وواهه؛ خو د سيالۍ په پای کې یې د هغه ته د دروناوي مراتب وړاندې کړل.
پاول چې په لومړي ځل په یوټیوب کې د خپل کار له امله مشهور شوى و، څلور کاله وړاندې سوک وهنې ته مخه کړه.
ټایسون په خپله کارنامه کې ۵۰ بریاوې او ٦ ماتې لري.
