د روسیې خبري اژانس ریانووستي د جمعې په ورځ د غبرګولي په ۲۵ مه د روستوف ښار په موروزوفسکي سيمه کې د بریښنا د ګډوډۍ خبر ورکړ.
د ریانووستي په وینا، دا ګډوډي په دې سیمه کې د اوکراین د بې پیلوټه الوتکو د بریدونو له امله رامنځته شوې.
تر دې مخکې د سیمې چارواکو ویلي وو چې د روسیې د الوتکو ضد سیسټم په روستوف ښار کې د اوکراین د بې پیلوټه الوتکې د لوی برید په شنډولو بریالی شو.
راپور زیاتوي چې هره ورځ اوکراین هڅه کوي د بې پیلوټه الوتکو په مرسته چې د هوايي بريدونو مخنيوى کوي د روسیې پر سرحدي سیمو بریدونه وکړي.
د بلګورود، کورسک، بریانسک او کریمه سیمې چې له اوکراین سره پر پوله پرتې دي، د اوکراین د بې پیلوټه الوتکو د بريدونو له فشار سره مخامخ دي.
دا په داسې حال کې ده چې د اوکراین ولسمشر ولادیمیر زیلینسکي او د امریکا ولسمشر جوبایډن په ایټالیا کې لس کلن امنیتي تړون لاسلیک کړ.
