د افغانستان لپاره د بشري حقونو په برخه کې د ملګرو ملتونو ځانګړي استازي ریچارډ بینیټ پر بهرنيو ګرځندويانو او افغان ملکي وګړو وسله وال برید غندلی او د دې پېښې د څېړلو غوښتنه یې کړې ده.
هغه پر اېکس يوې لیکنې کې ویلي: «زه د بشري حقونو د نړیوالو معیارونو پر بنسټ د پلټنې او حساب ورکونې غوښتنه کوم.»
د جمعې د ورځې په برید کې د بهرنیو ګرځندويانو او افغان ملکي وګړو په ګډون اووه تنه ووژل شول چې څلور یې بهرني اتباع او درې ملکي وګړي دي.
تر اوسه کومې ډلې د دې برید مسوولیت نه دی منلی.
طالبان ادعا کړې، چې په دغه وسله وال بريد کې يې اووه تنه د لاس لرلو په تور نيولي دي.
