د طالبانو د عامې روغتیا وزارت په اعلامیه کې راغلي چې د ګوزڼ ضد واکسین د تطبیق کمپاین نوی پړاو د کابل، تخار، کندوز، نورستان، کونړ، لغمان، ننګرهار، خوست، پکتیا، پکتیکا، غزني، پروان او کاپیسا په ګډون د هېواد په ۱۴ ولایتونو پیلېږي.
د ګوزڼ وروستۍ پېښه کابو ۲۰ ورځې مخکې په ننګرهار ولایت کې ثبت شوې ده.
تر اوسه په افغانستان کې د ماشومانو د ګوزڼ د شپږو تازه پېښو راپور ورکړ شوی دی.
د ګوزڼ واکسین وروستی پړاو کمپاین د تلې پر درېیمه نېټه تر پنځه کلنۍ کم عمره ۱۱ میلیون ماشومانو لپاره ترسره شو.
