د پاکستان د سوداګرۍ خونې د دغه هېواد له حکومته غوښتي چې له افغانستان سره د سوداګرۍ پر تړون خبرې وکړي.
دغې شورا ادعا کړې چې پاکستان ته د افغان سوداګرو له خوا مالونه قاچاق کېږي او د مالیې له ورکړې تېښته کوي.
پاکستاني رسنیو راپور ورکړی چې دا مسله د پاکستان سیمه ایزو صنایعو ته زیان رسوي.
خو د افغانستان د سوداګرۍ او پانګونې خونه دا ادعا ردوي او وايي، چې پاکستان حتی په قصدي توګه د افغانستان د مېوو او سبزیجاتو د حاصلاتو په موسم کې خپلې رسمي پولې تړي.
