ننګرهار کې د هېواد په کچه د ووینام منتخبې ملي سیالۍ د کابل ولایت په بریا پایته ورسیدې.
یادې سیالۍ تېره دوشنبه پیل شوې وې او په کې د هېواد په کچه لسو ولایتونو ګډون کړی وو، چې په دې منځ کې کابل، بغلان، لوګر، سمنګان، کندز، پروان، فراه، هرات، پکتیا او ننګرهار شامل دي.
![](https://amu.tv/wp-content/uploads/2022/11/922fe109-b7d5-4d9c-bfbe-31d274bba816-1024x597.jpg)
مسوولین وایي له یادو ولایتونو شاوخوا ۱۳۰ ورزشکارانو ګډون کړی وو.
د ننګرهار د بدني روزنې او المپيک ریاست لپاره د طالبانو رییس عبدالسلام وزیروال وایي، یادې سیالۍ په درې برخو کې تن په تن، فورم سیالۍ او د وسلې دفاعي ټیم په شکل ترسره شوې.
![](https://amu.tv/wp-content/uploads/2022/11/b4c69f5d-eee7-4f86-8393-7426118c953d-1024x597.jpg)
مسوولین زیاتوي، چې په دې سیالیو کې مخکښ لوبغاړي به د ووینام ملي لوبدلې ته ور وپېژني.
ووینام د ویتنام لرغونې سیالۍ دي، چې کانګو ته ورته دي او په کې د سوک وهنې ترڅنګ د تورې وهل هم شامل دي.