بدخشان کې د طالبانو ځايي چارواکي وايي، په کشم ولسوالۍ کې د سرو زرو د يو کان د نړېدو له امله لږ تر لږه درې کارکوونکو ژوند له لاسه ورکړی دی.
ځايي مسولینو ویلي دا پېښه نن، د جدۍ په ۸مه، د کشم ولسوالۍ کې رامنځته شوې ده.
د کشم ولسوالۍ لپاره د طالبانو ولسوال حياتالله محسن ويلي، چې د قربانيانو جسدونه له پېښې ځایه را ايستل شوي دي.
نوموړي د کان د نړېدو د دقيق لامل په اړه جزييات نه دي ورکړي او زياته کړې يې ده، چې په دې تړاو څېړنې روانې دي.
خو ویل کیږي، چې بدخشان کې د کانونو غیرې مسلکي کېندنې، د معیاري خوندیتوب وسايلو نشتوالی او په کانونو د لازمې څارنې کمښت، د ورته پېښو د رامنځته کېدو له مهمو لاملونو څخه بلل کېږي.
