هرات کې د طالبانو د والي دفتر ویلي، چې د اروپایي ټولنې د ولسي امنیت او بشري مرستو د عملیاتي چارو رئیس اندریس پاپا کونستانتینو دې ولایت ته د سفر په ترڅ کې د دوی والی اسلامجار، سره وکتل او د راستنوشویو کډوالو پر وضعیت یې خبرې وکړې.
د هرات رسنیو دفتر په وینا، دواړو لورو په دې لیدنه کې د راستنوشویو کډوالو پر ننګونو، بېړنیو اړتیاوو او د اروپایي ټولنې د بشري مرستو کې په اړه خبرې وکړې.
هرات کې د طالبانو د والي دفتر، د پاپا کونستانتینو له خولې ویلي چې د هرات د سیمییزې ادارې د همکاریو ستاینه یې کړې او ټینګار یې کړی چې اروپایي ټولنه «تل د مستحقو کسانو د مرستې لپاره چمتو ده».
له بلې خوا، هرات کې د طالبانو والي ویلي چې محلي اداره د طالبانو د قوانینو او پالیسیو په چوکاټ کې د اروپایي ټولنې او نورو نړیوالو بنسټونو سره د همکاریو لپاره چمتو ده.
اروپايې ټولنې تر دې مهاله د دې لیدنې په اړه څه نه دي ویلي.
