له خوست ولایت څخه ځایی سرچینې خبر ورکوي، چې د دغه ولایت په دوو جلا پېښو کې یوه ۱۳کلن هلک او یوې ۱۵ کلنې جلۍ ځان وژنه کړې ده.
د سرچینو په وینا، یادې پېښې د جعمې په په ورځ رامنځته شوې دي.
سرچینې زیاتوي، چې جلۍ د خوست د دوه منده ولسوالۍ د سیدخېلو کلي اوسېدونکې وه او هلک د اسمعیل خېلو مندوزیو ولسوالۍ اړوند د میټه خان کلي اوسېدونکی وو.
سرچینې وایي، چې د دوو پېښو علتونه اقتصادي ستونزې او کورنۍ جنجال بلل کېږي.
د یادونې وړ ده، چې طالبانو د یادو پېښو د مخنیوي لپاره د ځان وژنې په خبرونو بندیز لګولی دی.
