د ازادۍ جبهې ادعا کړې چې په کابل کې یې د طالبانو د استخباراتو د ځواکونو یوه پوسته په نښه کړې ده.
دوو سرچینو دغه پېښه تأیید کړې، او ویلي یې دي چې پرون ماښام (د زمري ۱۱مه) د کابل ښار د شپږمې امنیتي حوزې اړوند د دارالامان په سیمه کې یوه چاودنه شوې ده.
د ازادۍ جبهې په وینا، دا برید چې شاوخوا د شپې ۸:۲۵ دقیقې ترسره شوی، په ترڅ کې یې د طالبانو دوه غړي وژل شوي او دوه نور ټپیان شوي دي.
طالبانو تر اوسه په دې اړه څه نه دي ویلي.
