په تېره یوه اونۍ کې، د افغانستان په بېلابېلو ولایتونو کې د طالبانو څلور مدرسې یا فعالې شوي او یا یې د بنسټ ډبرې ایښودل شوي دي.
د طالبانو د پوهنې وزارت د معلوماتو پر بنسټ، د دې مدرسو د جوړولو لګښت له ۲۵ میلیون افغانیو څخه ډیر اټکل شوی، چې تر ټولو ډېر لګښت یې په پکتیکا ولایت کې دي.
د مدني ټولنې ځینې فعالان وايي چې د طالبانو د پوهنې وزارت د دیني-جهادي مدرسو په جوړولو سره د عصري علومو د څنډې ته کولو هڅه کوي.
په دې وروستیو ورځو کې د طالبانو لخوا د دیني-جهادي مدرسو جوړول خورا زیات شوي دي.
په تېره یوه اونۍ کې، په پکتیکا او پروان ولایتونو کې دوه مدرسې فعالې شوي دي، او په غزني او پکتیکا ولایتونو کې د دوو نورو مدرسو د بنسټ ډبرې ایښودل شوي دي.
د پکتیکا په برمل ولسوالۍ کې د «نخل» مدرسه، د پکتیکا په وازیخوا ولسوالۍ کې د «جامعه طیبه» مدرسه، د غزني په خواجه عمري ولسوالۍ کې د «اناثیه طیبه» مدرسه، او د پروان ولایت په بګرام ولسوالۍ کې د «تعلیم القرآن للبنات» مدرسه.
دا هغه لویې مدرسې دي چې د طالبانو د پوهنې وزارت لخوا په یوه اونۍ کې فعالې شوي یا یې د بنسټ ډبره ایښودل شوې ده.
مخکې له دې هم د طالبانو د پوهنې وزارت راپور ورکړی و چې د روان هجري لمریز کال په لومړیو دریو میاشتو کې، د پوهنې وزارت د بودیجې او د ځایی اوسیدونکو په مرسته، د پنځو دیني مدرسو د جوړولو کار بشپړ شوی او د شپږو نورو دیني مدرسو د بنسټ ډبره کیښودل شوې ده.
د مدني ټولنې ځینې فعالان وايي چې مذهبي-جهادي مدرسې د ځوانانو په منځ کې د افراطي افکارو د ترویج او د سرتیرو د جذب لپاره زمینه برابروي، او دا چې د طالبانو د پوهنې وزارت د داسې مدرسو په جوړولو سره په هیواد کې عصري علوم له پامه غورځولي دي.
په تیرو اوو ورځو کې، د څلورو مدرسو د فعالیت او کار پیل کولو سربیره، د طالبانو د پوهنې وزارت په پکتیا او پکتیکا ولایتونو کې د دوه نورو مدرسوو د جوړولو خبر ورکړ او په کاپیسا ولایت کې یې د مدرسې د جوړولو لپاره ځمکه هم وقف کړې ده.
له بلې خوا، د طالبانو د لوړو زده کړو وزارت، چې د لوړو زده کړو د سیسټم د پالیسۍ جوړولو، څارنې او پراختیا لپاره ترټولو مهمه کلیدي اداره ده، د طالبانو د واک ته رسیدو راهیسې د دیني مدرسو فارغینو ته د ماسټرۍ او لیسانس درجې ورکولو بوخت دی. په وروستي ځل، د طالبانو د لوړو زده کړو وزارت د دیني مدرسو نږدې ۲۵۰۰ فارغانو ته د ماسټرۍ او لیسانس درجې ورکړې دي، چې په کې د پاکستان د حقاني اکوړه خټک مدرسې فارغان هم شامل دي.
