د طالبانو تر ۳۰ زیات مخالفان د اتریش په وین ښار کې سره غونډ شوي ترڅو د افغانستان د راتلونکي په اړه ناسته ترسره کړي.
دغه ناسته به درې ورځې د تړلو دروازو تر شا ترسره شي.
د طالبانو د ضد مقاومت جبهې مشر احمد مسعود هم په دې ناسته کې ګډون کړی دی.
د افغانستان د راتلونکي او د طالبانو پرضد د مقاومت پیاوړي کولو په اړه بحث هغه موارد دي چې د دې ناستې اجنډا جوړوي.
د احمد مسعود، زلمي رسول، دادفر سپنتا او رحمتالله نبیل په شمول چې د طالبانو د ایډیولوژۍ سخت مخالفین دي په دې ناسته کې د ګډون په موخه وین ته رسېدلي.
دغه ناسته په داسې حال کې ترسره کېږي چې د خپرو شویو راپورونو له مخې طالبانو په وروستیو ورځو کې تر ۴۰ زیات کسان له مقاومت جبهې سره د همکارۍ په تور په ډزو وژلي دي.
