د روسیې رسنیو راپور ورکړی چې د کریملین ویاند دیمیتري پیسکوف د سه شنبې په ورځ سهار په خپلو څرګندونو کې وویل چې د هېواد او اوکراین ترمنځ سوله او اوربند پیچلی دی او د هوکړه لیک لپاره ضرب الاجل نشي ټاکلی.
ښاغلي پیسکوف په یوه مطبوعاتي ناسته کې وویل: «هېڅ موده نشته او نه هم کیدی شي. څرګنده ده چې ټول غواړي دا کار ژر تر ژره ترسره کړي مګر البته چې جزیات پېچلي دي.
د کریملین ویاند زیاته کړې: «مسودې به د روسیې او اوکراین دواړو لورو لخوا چمتو شي دا مسودې اسناد به تبادله شي او بیا به د یو واحد متن د پراختیا لپاره پیچلې اړیکې ونیول شي.»
دا په داسې حال کې ده چې د امریکا ولسمشر ډونالډ ټرمپ د دوشنبې په ورځ د روسیې ولسمشر ولادیمیر پوتین، د اوکراین ولسمشر ولادیمیر زیلینسکي او د اروپايي ټولنې مشرانو، فرانسې، ایټالیا، جرمني او فنلینډ مشرانو ته د اوکراین په درې کلنه جګړه کې د سولې د پرمختګ لپاره اړیکه کړې..
له اړیکې وروسته ټرمپ وویل چې روسیه او اوکراین به سمدلاسه د اوربند خبرې پیل کړي.
د هغه په وینا پوتین ویلي چې «روسیه چمتو ده چې د اوکراین له لوري سره د راتلونکې احتمالي سولې تړون په اړه په هوکړه لیک کار وکړي.»
