په اروزګان کې يو شمېر سوداګر وايي، چي پېرېدونکي نه لري او عاید یې کم شوی دی.
د سوداګرو په خبره، ډېری کورنۍ د اقتصادي ستونزو له امله د جامو او سوغات د پېرلو توان نه لري.
نظام الدین چې د اروزګان د چورې ولسوالۍ د بازار په یوه کونج کې د ګنډلو یو کوچنی دوکان لري، د کار له نشتوالي شکایت کوي.
هغه وايي، پخوا به د اختر شپې د خياطۍ لپاره ډېرې وې، خو اوس خلک نوي کالي کم ګنډي او ډېر وخت په هماغه زړو جامو تېروي.
د اروزګان اوسېدونکی، نظام الدین، وایي: «د روژې د مبارکې میاشتې له پیل راهیسې مې له ۱۰ تر ۱۵ ډوله جامې نه دي ګنډلي، په دې شمېر کې د لویانو او ماشومانو جامې هم شاملې دي، د خدای په نوم د خلکو اقتصادي وضعیت ډېر خراب دی او د ځان لپاره نوې جامې نه جوړوي.»
د نظام الدين په څېر د اروزګان ولايت سوداګر او اوسېدونکي د اقتصادي کمزورتيا له امله د اختر د مناسب بازار له نشتوالي شکايت کوي او د کار نشتوالى او د بهرنيو مرستو کمېدل د بېوزلۍ د پراخېدو ستر لاملونه بولي.
د اروزګان یو اوسیدونکی، عبدالمالک، وایي: «دا مالونه مې د خرڅلاو لپاره راوړې، خو څوک یې نه اخلي او له ما سره پاتې کیږي او شتمن کیږي. خلک دومره بې وزله دي چې په سر یې اوړه خرڅوو، ټول توکي په ارزانه بیه خرڅوو، خو څوک یې نه اخلي.”
د ارزګان یو شمېر اوسېدونکي وايي، د خلکو اقتصادي پیاوړتیا ورځ تر بلې کمزورې کېږي.»
د اروزګان اوسېدونکی، رشید، وایي: «په خدای قسم، وروره، وضعیت ښه نه دی، کار نشته، بې وزلي نشته، بیوزلۍ نشته، د غوړیو، وريجو، اوړو او نورو اړتیاوو د کمښت په ګډون ډېرې ستونزې لرو.»
د اروزګان يو شمېر اوسېدونکي وايي چې د بېوزلۍ له امله سږ کال اختر هغسې خوندور نه وى د پخوا په څير.
