د جمعې په ورځ په ایران کې د سویډن د سفارت مخې ته یو شمیر لاریون کوونکو د سویډن د چارواکو له خوا د قرآن کریم د سوځولو اجازې صادرولو پر وړاندې خپله غوسه څرګنده کړه او د دغه هیواد بیرغ ته يې اور ورته کړ.
قهرجن لاريون کوونکي د جمعې له لمانځه وروسته په تهران کې د سویډن سفارت مخې ته راغونډ شول او د سویډن پر ضد یې شعارونه ورکړل.
یو شمېر اسلام ضد فعالانو د پنجشنبې په ورځ د قرآن کریم د سوځولو اجازه ترلاسه کړه چې دغې امر د اسلامي هېوادونو غوسه راپارولې ده.
قهرجنو لاريون کوونکو د پنجشنبې په سهار په عراق کې د دغه هیواد پر سفارت برید وکړ او د ودانۍ یوې برخې ته یې اور ورته کړ.
