ایرانیو رسنیو رپوټ ورکړی چې نن سهار څو تنو وسله والو د زاهدان ښار د اهل سنتو مصلا په سویل کې د پولیسو پر ۱۶ شمېرې مرکز برید وکړ او دا برید د دوو پولیسو او بریدګرو په وژل کېدو سره پای ته ورسېد.
تسنیم خبري آژانس لیکلي چې نن سهار یو شمېر وسله والو د زاهدان په سویل کې د پولیسو په شپاړسم نمبر مرکز کې برید وکړ.
که څه هم ویل شوی چې بریدګر د ځانمرګي برید په کمربند سمبال وو او دوو تنو چاودنه وکړه، خو د سیستان و بلوچستان ولایت امنیتي مرستیال د نن په پېښه کې ځانمرګی برید رد کړی دی.
د علي کیجا په نوم یو پولیس په دغه نښته کې وژل شوی دی.
د ایران د سیستان و بلوچستان والیت امنیتي چارواکي وايي چې دا نښته پای ته رسېدلې ده.
