دا مجسمې له مومو څخه جوړې شوې او ټاکل شوې په هغه موزیم کې چې په بصره کې پرانیستل کېږي نندارې ته وړاندې شي.
د هنرمندانو موخه په تېرو کلونو کې د خلکو د ژوند ښودل دي.
د هنرمندانو دغې ډلې د بصرې پخواني ښار له بېلابېلو برخو د ۲۲ منظرو د ښودلو لپاره، ۵۴ مجسمې جوړې کړې دي.
د بصرې د لرغونو آثارو د دولتي بورډ مسوول مصطفی الحسیني وايي: «موږ د یوه پخواني حمام منظره نندارې ته وړاندې کوو. په هغه موده کې په اونۍ کې یوازې یوه ورځ له کوره بهر حمام کولو ته ځانګړې وه.»
د ایراني هنرمندانو یوې ډلې، د دغو مجسمو د جوړولو ډېر کار په ایران کې وکړ او وروسته یې بصرې ښار ته ولېږدولې.
ایرانی هنرمند حامد نظري وايي: «موږ هڅه کړې چې ددغو مجسمو په جوړولو کې له واقعیته لیرې نه شو او هغوی واقعیت ته ورته جوړې کړو.»
دغه موزیم د بصرې ښار په یوه لرغونې سیمه کې جوړېږي.
