د هېواد د کرېکټ ملي لوبډلې لوبغاړي به د بنګله دېش پر وړاندې درې یو ورځنۍ لوبې ترسره کړي.
د هېواد کرېکټ بورډ وايي چې دا لوبې به راتلونکې نومبر میاشت ترسره شي.
د دغه بورډ په وینا دا لوبې به د نومبر په ۶، ۹ او ۱۱ ترسره شي.
دا په داسې حال کې ده، چې د افغانستان د کرېکټ ملي لوبډلې له دې وړاندې سویلي افریقا ته په دریو یو ورځنیو لوبو کې د دوو بریاو او یوې ماتې په توپیر ماتې ورکړې وه.
د يادونې وړ ده، چې دا لوبې د افغانستان په کوربه توب په شارجه کې ترسره کېږي.
