افغان تکواندو لوبغاړی ابراهیم دانشي به نن (پنجشنبه د وږي ۸ مه) د پارېس پارالمپیک سیالیو کې له خپل سیال سره سیالي وکړي.
ښاغلى دانشي به له خپل تايواني سيال سره سيالي وکړي.
د هېواد دغه تکواندو لوبغاړی په اسیايي سیالیو کې د مبارزې تجربه لري.
ابراهیم دانشي یوازینی ورزشکار دی چې له افغانستان څخه یې د تکواندو په پارالمپیک سیالیو کې برخه اخیستې ده.
که هغه دا سیالۍ وګټي، نو هغه به د پارالمپیک لوبو اتم پړاو ته لاره پیدا کړي.
