پاکستاني رسنيو راپور ورکړى، چې د پاکستان د سند ایالت د «ګوټکي»ښار پر لویه لار د یوه مسافر وړونکي بس او بار وړونکي موټر ترمنځ د ټکر له امله اته تنه مړه شوي دي.
د رسنیو د راپورونو له مخې، دغه بس د دوشنبې په سهار له “مانسهرې” څخه کراچۍ ته روان و چې د سکر – ملتان پر لویه لاره له یوه بار وړونکي موټر سره يې ټکر وکړ.
په پېښه کې ٧ تنه ټپیان شوي چې د څلورو تنو روغتیايي حالت نازک ښودل شوى دی.
پولیس وايي په مړو شویو کې ښځې او ماشومان هم شامل دي.
