نن (شنبه، د زمري ۲۰مه) په ټول هېواد کې د ګوزڼ واکسين کمپاين پيل شو.
د ګوزڼ څخه د پاک افغانستان بنسټ په هیوادوالو غږ کړی چې د « ګوزڼ څخه پاک افغانستان» کې ونډه واخلي.
دا په داسې حال کې ده، چې د طالبانو تر واک لاندې د عامې روغتیا وزارت وايي، په ۲۰۲۳ کال کې په هېواد کې د ګوزڼ شپږ مثبتې پېښې ثبت شوې دي.
د راپورونو له مخې، دغه مثبتې پېښې د ننګرهار په خوګیاڼو، بهسودو، بټي کوټ، دوربابا، کوټ او نازیانو ولسوالیو کې ثبت شوې دي.
د يادولو وړ ده، له ګوزڼ څخه د پاک افغانستان بنسټ دا نه دي ویلي چې د پولیو د واکسین د کمپاین په ترڅ کې به څومره ماشومان واکسین شي، خو زياته کړې يې ده، چې دغه کمپاين به د هېواد په بېلابېلو سيمو کې پلی شي.
