په دوو جلا پېښو کې، طالبانو په بغلان او فراه ولایتونو کې دوه تنه په عام محضر کې په درو وهلي دي.
د طالبانو ستره محکمه وايي، د بغلان ولایت په ده صلاح ولسوالۍ کې یو کس د «غیر مشروع اړیکو» په تور په ۳۰ دُرې ووهل شو.
د محکمې په خبرپاڼه کې راغلي، چې دغه کس په پنځه کاله بند هم محکوم شوی دی. په همدې حال کې په فراه کې یو بل کس د طالبانو له خوا د «لواطت» په تور ۳۰ درو وهل شوی دی.
د طالبانو د خبرپاڼې پر بنسټ، دغه کس په شپږو میاشتو بند محکوم شوی دی.
طالبانو په تېرو دوو کلونو کې په بېلابېلو ولایتونو کې سلګونه کسان د بېلابېلو جنایاتو په تور په عام محضر کې په درو وهل شوي دي.
