د اسرائیلو پوځ د غزې په تړانګه بمباریو ته دوام ورکړی او د جمعې په سهار هم پر دغه ښار څو راکټونه لګیدلي او د څو چاودنو غږونه هم اوریدل شوي دي.
اسرائیلي پوځیانو د پنجشنبې په ورځ د غزې تړانګې په څو ښارونو کې د حماس له جنګیالیو سره درنې جګړې وکړې.
د غزې د روغتیا وزارت اعلان وکړ چې لږ تر لږه ۳۵۰ تنه وژل شوي دي.
اسرائیلو ویلي، د دغه ښار په سوېل کې یې په خان یونس کې څو وسله وال وژلي دي.
دا په داسې حال کې ده چې عربي هېوادونو په غزه کې د سمدستي بشري اوربند غوښتنه کړې ده.
ټاکل شوې د ملګرو ملتونو امنیت شورا د جمعې په ورځ په غزه کې د اوربند لپاره پر یوه پریکړه لیک سلامشوره وکړي.
