د افغانستان کرېکټ ملي لوبډلې د کرېکټ په نړیوال جام سیالیو کې د بریتانیا په وړاندې بری ترلاسه کړ.
په دغه لوبه کې لومړی افغان لوبډلې توپوهنه پیل کړه او په ۴۹،۵ اور کې یې ۲۸۴ منډې جوړې کړې خو د بریتانیا لوبډله ونه توانېده چې ورکړ شوی هدف پوره کړي.
افغانستان د لوبې په څلوېښتم اور کې د ۶۹ منډو په توپیر سره لوبه وګټله. افغان لوبډلې له دې مخکې لومړۍ لوبه هند ته وبایلله.
![](https://amu.tv/wp-content/uploads/2023/10/387875996_821148883348512_6065755717589485551_n-1-1024x596.jpg)
په دې سیالۍ کې لومړی افغانستان توپوهنه وکړه او په ۵۰ اورونو کې یې انګلستان ته ۲۸۵ منډې هدف وټاکه.
افغانستان د ۲۸۵ منډو هدف ټاکلی و او انګلستان یوازې ۲۱۵ منډې وکړې.
دا په روان نړیوال جام کې د افغانستان لومړی بری دی.
افغان لوبډله وتوانېده په لومړي ځل بریتانیا ته ماتې ورکړي.
![](https://amu.tv/wp-content/uploads/2023/10/392746706_821148860015181_2013823454555108142_n.jpg)
د افغانستان لپاره په توپوهنه کې رحمن الله ګربز اتیا او اکرام علي خیل ۵۸ منډې وکړې. د لوبې غوره لوبغاړی مجیب الرحمن وټاکل شو.
افغان لوبډله به خپله څلورمه سیالي د اکټوبر په ۱۸مه نېټه د نیوزیلینډ پر وړاندې ترسره کړي.