د ملګرو ملتونو د مرستندویه پلاوي دفتر په افغانستان کې د ښځو او نجونو د نیولو په اړه سخته اندېښنه څرګندوي او خبرداری ورکوي چې د طالبانو دغه اقدام د بشري حقونو د رعایت په اړه جدي اندېښنې راپارولي دي.
په همدې حال کې، په ملګرو ملتونو کې د افغانستان د دایمي استازولۍ سرپرست، دغه اقدام د اسلامي اصولو او د ښځو له اساسي حقونو سره په ټکر کې بولي او دا د ښځو د ځپلو او له ټولنې څخه د هغوی د ایستلو د پالیسۍ یوه برخه ګڼي.
له دې سره، په هرات کې د طالبانو د اطلاعاتو او کلتور ریاست د ښځو او نجونو نیول ردوي.
خو د هرات ښځې او نجونې وایي، د طالبانو له لوري د ښځو نیولو خلک وېرولي دي.
