د هېواد په شمال کې د زورورې زلزلې له امله، شلو کسانو خپل ژوند له لاسه ورکړی دی.
د طالبانو د عامې روغتیا وزارت شمېرې ښیي، چې په دغه زلزله کې تر اوسه ۵۳۴ تنه نور ټپیان شوې دي او د دې وزارت په خبره، د ټپیانو دغه شمېره وروستۍ نه ده او ښایي د تلفاتو شمېر نور هم لوړ شي.
له بلې خوا، د ملګرو ملتونو د بشري مرستو د همغږۍ دفتر په دغه زلزله کې د مړو شویو کسانو شمېر ۱۷ تنه ښیي او وایي چې د تلفاتو دغه شمېره وروستۍ نه ده.
نن سهار مهال، د ۶،۳ ریشتر کچې زلزلې د هېواد یو شمېر سیمې ولړزولې.
