د افغانستان په اړه د لوړپوړو چارواکو غونډه د دوشنبې په سهار په بروکسل کې پیل شوه. ددغې غونډې موخه د هېواد ژوره سیاسي بېثباتي او روان بشري ناورین ته د حل لارې موندل دي.
دغه غونډه چې د اروپایي ټولنې لخوا یې کوربتوب کېږي، د اروپایي ټولنې د غړو هېوادونو ترڅنګ د افغانستان لپاره د امریکا د متحده ایالاتو مرستیالې وزیرې ماری کبیر سراج بیشاپینگ ګډون پکې کړی دی.
همداراز د سعودي عربستان، قطر، ترکیې، او د ملګرو ملتونو د افغانستان د مرستې ماموریت استازي هم پکې برخه لري.
د غونډې اجنډا پر دوو مهمو برخو تمرکز کوي، د طالبانو تر واک لاندې د افغانستان سیاسي وضعیت، او د بشري وضعیت خرابېدونکی حالت چې میلیونونه افغانانیې اغېزمن کړي دي.
دا غونډه په داسې حال کې ترسره کېږي چې افغانستان له مرستو سره د رسېدو په برخه کې له جدي ستونزو او د سیاسي شمولیت له دوامداره نشتون سره مخ دی.
یوناما تازه مشورې پیل کړې دي، چې هدفیې د یو وړاندیز شوي «موزاییک چوکاټ» له لارې د سیاسي ثبات لپاره د خبرو او احتمالي لارو چارو ته زمینه برابرول دي.
