د امریکا فضايي شرکت بوینګ وکولای شول چې منځني ختیځ ته د ولسمشر ټرمپ د سفر په جریان کې په سیمه کې د ۲۰۰ ملیارد ډالرو په ارزښت لوی قراردادونه لاسلیک کړي.
یوه ورځ وروسته له هغه چې د شلو ۷۳۷-۸ الوتکو غوښتنه اعلان شوه او د سعودي شرکت څخه د لسو نورو د پیرودلو اختیار ترلاسه کړ بوینګ تایید کړه چې له قطر سره یې د ۹۶ ملیارد ډالرو تړون لاسلیک کړی دی.
په قرارداد کې د ۷۸۷ او ۷۷۷ ایکس جېټ الوتکو پېر شامل دی د بوینګ په وینا، دا د شرکت په تاریخ کې د پراخ بدن الوتکو لپاره ترټولو لویه غوښتنه ده چې ترلاسه کوي.
د دې خبر په تعقیب، د چهارشنبې په ورځ د بوینګ د ونډو بیه په یوه کال کې تر ټولو لوړې کچې ته ورسیده.
دا د شرکت د ونډو د ودې پنځمه پرله پسې ورځ وه، هغه شرکت چې شپږ کاله دمخه د وژونکو پېښو له امله په وروستیو کلونو کې له قانوني او څارونکو ننګونو سره مخ و.
بوینګ له دې وړاندې هم په منځني ختیځ کې د نورو دلایلو له امله د خبرونو سر ټکی و.
ډونالډ ټرمپ اعلان کړی و چې هغه به د قطر د شاهي کورنۍ له خوا د ډالۍ په توګه بوینګ ۷۴۷-۸ جیټ الوتکه ومني هغه اقدام چې د دیموکراتانو، اخلاقي سازمانونو او حتی ځینو جمهوري غوښتونکو له خوا یې د نیوکو سره مخ شو.
