د افغانستان د فوټسال ملي لوبډله به نن (چهارشنبه،د وږي١٤مه) په تایلنډ کې د فوټبال د اتلولۍ په سیالیو کې د نیوزیلنډ پر وړاندې د لوبې ډګر ته ښکته شي.
دغه لوبه به د کابل پر وخت ماسپښین دوه بجې پیل شي.
افغانستان د تېره ورځ په دې سیالیو کې د کویټ پر وړاندې ٣پر ٤پايلې سره ماتې وخوړه.
د کانټینینټل فوټسال سیالۍ د افغانستان، تایلنډ، ګواتیمالا، نیوزیلنډ او کویټ ترمنځ د تایلنډ په کوربه توب د اګست په ۲۹ پیل شوې او د سپټمبر تر شپږمې به دوام وکړي.
د فوټسال ملي لوبډلې سږ کال د فوټسال نړیوال جام ته هم لاره موندلې ده.
د ٢٠٢۴کال د فوټسال سياليو نړیوال جام به د سپټمبر په ٢٤مه نېټه د ازبکستان په کوربه توب ترسره شي.
