د هېواد د فوټسال ملي لوبډله به نن (دوشنبه، وږي ۱۲مه) د ګواتیمالا پر وړاندې د ۵ اړخېزه فوټسال سیالیو په چوکاټ کې لد سیالۍ لپاره د لوبې ډګر ته ښکته شي.
د افغانستان د فوټبال فدراسیون وايي، دا لوبه به د افغانستان په وخت د ماسپښین دوه بجې د تایلنډ په بنکاک کې ترسره شي.
د فوټسال د کانټینینټل سیالۍ د افغانستان، کوربه تایلنډ، ګواتیمالا، نیوزیلنډ او کویټ د لوبډلو ترمنځ د تایلنډ په کوربه توب د اګست په ۲۹مه پیل شوې. دا سیالۍ د سپټمبر تر شپږمې نېټې دوام کوي.
د هېواد د فوټسال ملي لوبډلې هم سږ کال د فوټسال نړیوال جام ته لار موندلې ده.
د ۲۰۲۴ کال د فوټسال نړیوال جام سيالۍ به د سپټمبر په ۲۴ مه نېټه د ازبکستان په کوربه توب پیل شي.
