په افغانستان کې د ملګرو ملتونو سیاسي استازولۍ د هغه څه په اړه چې د طالبانو له خوا د ښځو او نجونو خپلسري نیول د پوښښ له امله بولي اندېښنه لري.
یوناما وايي، له ښځو او نجونو سره د ناوړه چلند او د هغوی د خلاصون په بدل کې د پیسو د غوښتلو تورونه شتون لري، چې په اړه یې د دۍ بنسټ له لوري څېړنې روانې دي. د افغانستان لپاره د ملګرو ملتونو ځانګړي استازي ویلي دي چې د فزيکي تاوتریخوالی د پلي کولو کړنې د افغان ښځو او نجونو لپاره له سپکاوي ډک او خطرناک دي.
له دې سره هم مهاله د بشري حقونو د څار سازمان د ښځو او نجونو له نیول کېدو وروسته د ناوړه چلند د راپورونو په اړه اندېښنه لري.
خو د طالبانو وياند ذبيح الله مجاهد له ښځو سره د ناوړه چلند په اړه د يوناما اندېښنه رد کړې او ويلي يې دي، چې د ښځو پر وړاندې د مبارزې رياست هېڅوک د حجاب اغوستلو ته نه دي اړ کړي.
په روانه اوونۍ کې، لسګونه ښځې او نجونې د طالبانو له خوا د «حجاب د نه مراعتولو» له امله نیول شوې دي.
په افغانستان کې د ملګرو ملتونو سیاسي استازولۍ وايي، د طالبانو له خوا د اسلامي جامو د نه مراعاتولو په تور د ښځو او نجونو د وروستیو خپلسرو نیولو په اړه ژوره اندېښنه لري. د یوناما په وینا دغه نیول شوي کسان په کابل او دایکندي کې شوي دي. د ملګرو ملتونو ځانګړې استازې وویل، د ښځو او نجونو پر وړاندې د فزیکي تاوتریخوالي د پلي کولو کړنې د سپکاوي وړ او خطرناکې دي.
په افغانستان کې د ملګرو ملتونو د سرمنشي ځانګړې استازې رزا اوتونبایوا وايي: «د ترسره کېدو اقدامات چې فزیکي تاوتریخوالی پکې شامل دی، په ځانګړې توګه د افغان مېرمنو او نجونو لپاره د سپکاوي وړ او خطرناکه دي. نیول یوه لویه بدنامي ده چې افغان مېرمنې په لا ډېر خطر کې اچوي. دوی همدا راز د خلکو باور هم له منځه وړي.»
د بشري حقونو د څار اداره هم په کابل کې له وروستیو نیول کېدو وروسته له نجونو او ښځو سره د ناوړه چلند په اړه اندېښمنه ده.
د بشري حقونو د څار د ښځو د څانګې مشره هیډربار وایي: «لومړی باید ووایو چې دا ښځې او نجونې په ښکاره ډول د بې حجابۍ په تور تورنې شوې وې او باید هیڅکله هم د دې لپاره نه وای نیول شوې. موږ همدا راز د نیولو په وخت کې د ناوړه چلند د راپورونو په اړه هم اندېښمن یوو دا له بده مرغه د یوې نمونې برخه ده. چې پخوا مو ثبت کړي دي.»
یوناما ویلي چې دوی د هغو نجونو او ښځو سره د ناوړه چلند تورونه چې په دې وروستیو کې نیول شوې او همدارنګه د هغوی د خوشې کولو په بدل کې د پیسو غوښتلو تورونه هم څېړي.
د یوناما او د بشري حقونو د څار ادارې د څرګندونو پر بنسټ، طالبان د ښځو او نجونو د ازادۍ په بړل کې ضمانت غواړي او د پخواني چلند دوام به د سزا لامل شي.
د ښځو د حقونو فعاله هدیه صاحبزاده وايي: «د دوی کورنۍ د لټون لپاره حوزو ته ځي، دوی د معلوماتو د نشتوالي ادعا کوي، کله چې دوی ډیر لټون کوي او هغوی پیدا کوي، د تضمین په توګه، طالبان د کور ملکیت اسناد او نغدي پیسې له سل زرو څخه تر یو سل او شپیتو زرو پورې غواړي.»
د بشري حقونو د څار اداره وايي، د طالبانو پخوانۍ بېلګې د ښځو له نيولو وروسته د ناوړه چلند او شکنجه کولو، د ښځو په سپکاوي چاپېريال کې د ساتلو او له سپکاوي ډکو شرايطو کې د خوشې کولو په اړه وايي؛ له دې سره جوښت، د دغه سازمان په وینا، د هغو ښځو او نجونو پر وړاندې د دغه ډول چلند د عملي کېدو په اړه اندېښنه شته چې په وروستیو ورځو کې نیول شوي دي.
د ښځو د حقونو فعاله وحیده امیري وايي: «دا نیول او اختطافونه د خلکو په محرمیت کې لاسوهنه ده، محرمیت یو ډول بشري حق دی چې هیچا ته اجازه نه ورکول کیږي چې د خلکو په محرمیت کې لاسوهنه وکړي.»
خو د طالبانو وياند ذبيح الله مجاهد له ښځو سره د ناوړه چلند په اړه د يوناما اندېښنه رد کړه او ويې ويل، چې د امر بالمعروف وزارت د حجاب د رعایت کولو په اړه څوک نه دي اړ کړي.
آزادي جبهه وايي، چې د دغو نيول شويو کسانو په غبرګون کې يې د کابل په خيرخانه کې د استخباراتو او د طالبانو د امر بالمعروف پر کاروان بريد کړى، چې له امله يې درې طالبان وژل شوي او دوه نور ټپيان کړې دي.
