د روسیې د بهرنیو چارو وزارت د افغانستان لپاره د لوېدیځ له خوا د نړیوالو مرستو پر سیاسي کېدو نیوکه کوي.
دغه وزارت ټینګار کوي چې په افغانستان کې د روان بشري بحران اصلي لامل د مرستو سیاسي کول دي.
مسکو همداراز وايي، پر طالبانو لګېدلي بندیزونه د حکومت پر ځای د افغانستان خلک په نښه کوي.
خو د ملګرو ملتونو د مالي څار خدمتونو معلومات ښيي چې روسیه له هغو هېوادونو ده چې د افغانستان د بشري بحران د بودجې لپاره یې تر ټولو لږه مالي مرسته کړې ده.
